Кегел дасгал гэж юу вэ?

Кегел дасгал нь аарцагны доод булчинг хөгжүүлэх зорилготой дасгал юм. Аарцагны доод булчинг дангаар нь болон тусгай зориулалтын кегел бөмбөлөгөөр ачаалж хөгжүүлж болдог.

Кегел дасгалыг хийснээр:

1. Төрөлтийн үеийн өвдөлт багасч, хярзан урагдах аюулаас сэргийлнэ.

2. Сексийн үед авдаг ташаалыг хүчтэй болгоно.

3. Үтрээг бариу чанга хүчирхэг болгоно.

4. Цистит болон шээс дусагнах, задгайрахыг зогсоох

5. Төрөлтийн дараах бие махбодийн эргэн сэргэх явцыг сайжруулах, хурдасгах зэрэг олон талын ач холбогдолтой.

Кегел дасгалыг яаж хийх вэ?

Эхний дасгал 10 сек туршид булчингаа чангалж, суллаад 10 секунд амарна. Энэ дасгалыг 3 удаа давтаад 30 секунд амарна. Удаах дасгал. Булчинг 5 секундын туршид чангалж суллаад 5 секунд амарна. Энэ дасгалыг 9 удаа давтана. Гурав дахь дасгал. Булчинг чангалаад 30 секунд бариад 30 секунд суллана. Энэ дасгалыг 2 удаа давтаад эхний дасгалыг ахин нэг давтана.

Зөв булчингаа дасгалжуулж байгааг яаж мэдэх вэ?

Дасгалыг хийхдээ зөвхөн зориулагдсан булчингууд л ажиллах ёстой ба өгзөг, гэдэс, шулуун гэдэсний булчин агших ёсгүй. Эмэгтэй үтрээндээ хуруугаа хийхэд ажиллах ёстой булчингууд хурууг тойрон чангарч байх ёстой ба энэ үед гэдэс, өгзөг, нурууны булчин сул байх ёстой. Өөрөөр хэлбэл таны хурууны эргэн тойрны булчин агшиж байгаа мэдрэгдвэл зөв булчингаа дасгалжуулж байна гэсэн үг юм.

Кегел бөмбөлөг яаж чангалдаг вэ?

Кегел бөмбөлөг тус бүр өөрийн гэсэн жинтэй тул үтрээнээс сугарах гэж тэмүүлдэг боловч бөмбөлөг доторх хөдөлгөөнт металл бөмбөлгөөс үүссэн чичирхийлэл нь суурь булчинг агшихад нөлөөлж чангалж өгдөг тул бөмбөлгийг байршуулсан байхдаа аль болох идэвхтэй хөдөлгөөн хийх нь илүү үр дүнтэй байдаг.

Нэгдүгээр үе шат: Хамгийн бага жинтэй бөмбөлөг

Анх удаа хэрэглэхэд биеийг кегел бөмбөлөгт дасан зохицоход туслах зорилгоор хамгийн бага жинтэй бөмбөлгийг 30 өдрийн турш өдөр бүр 30 минут хэрэглээрэй.

Хоёрдугаар үе шат: дунд жинтэй бөмбөлөг

1 бөмбөлөгтэйг хэрэглээд биед дасан зохицсоны дараа давхар бөмбөлөгтэйг ашиглан дасгалын эрчмийг нэмэгдүүлж, 30 өдрийн турш өдөр бүр 30 минут хэрэглээрэй.

Гуравдугаар үе шат: Хамгийн хүнд бөмбөлөг

Энэ үе шатанд таны бие бөмбөлгийг амархан удирдаж чаддаг болсон байх тул бэлтгэлийн эрчмийг дээшлүүлэхийн тулд давхар бөмбөлгийг 30 өдрийн турш өдөр бүр 30 минут хэрэглээрэй.

Бөмбөлгөө хэрэглэхдээ дараах дасгал хөдөлгөөнийг хамт хийгээрэй:

• Гүйлт
• Йога
• Сэлэлт
• Бүжиг
• Гэрээ цэвэрлэх гэх мэт..